Category Archives: Настани

sobranie

ИЗВЕСТУВАЊЕ

Претседателот и управниот одбор на ИПА Македонија, согласно со статутот на здружението, на ден 21.04.2017 година донесоа одлука за свикување на

ГОДИШНО ИЗБОРНО СОБРАНИЕ на ИПА МАКЕДОНИЈА

За изборното собрание е изготвен предлог Дневен ред со следните точки:

  1. Годишен извештај за 2016 г. и извештај за мандатот на Управниот одбор од 2015 до сега.
  2. Програма за работа во 2017 г.
  3. Избор на комисија за избори и верификација (Претседател и два члена).
  4. Избор на Управен одбор на ИПА Македонија (Претседател, Генерален Секретар, Потпретседател, Благајник, Делегат на здружението и членови).
  5. Избор на Надзорен одбор (Претседател и два члена, сите од областа на економија и право).
  6. Разно.

Изборното собрание ќе се одржи на 06.05.2017 г. – Сабота во 16 часот во Скопје во Порта Македонија.

Кандидатурите да се достават до Управниот одбор до денот на Собранието или на самото Собрание.

Присуството на Делегатите и Претседателите на Регионите е задолжително.

Претседател на ИПА Македонија

Робертино Ацески

B0

Втора ИПА Балкан-Јадран Конференција

Во организација на ИПА Македонија беше закажана, организирана и одржана Втората Балканско-Јадранска Конференција во периодот 9-11 Септември 2016 година.

Поканети беа сите 18 секции основачи на конференцијата, како и сите секции на ИПА во светот во својство на гости и посматрачи. Покана беше упатена и до Меѓународниот извршен одбор (IEB), кој на наше огромно задоволство како претставник на конференцијата дојде госпоѓата Меј-Брит Риналдо, член на Одборот, претседател на Меѓународната професионална комисија и Претседател на ИПА Шведска.

На конференсијатаприсуствуваа делегати од ИПА Секциите:

  • Хрватска
  • Грција
  • Бугарија
  • Словенија
  • Србија
  • Босна и Херцеговина и
  • Германија.

Другите секции претходно ја оправдаа неможноста за присуство поради објективни причини.

Конференцијата се спроведе според планираната агенда и помина во беспрекорна и продуктивна работна атмосвера, на општо задоволство на сите учесници.

Свое обраќање и пригоден збор имаше претставникот на IEB, госпоѓата Риналдо која ги пренесе поздравите од Меѓународниот Претседател и Меѓународниот извршен одбор.

B1 B4b3b3a b11 b12 b13 b14 b15 b16 b17 b18 b19 b20 B5 B6 B7 B9

G32016

ИПА Македонија во Германија

На покана од ИПА Германија е остварена возвратна посета од делегација на ИПА Македонија во состав:
Од Управен одбор на ИПА Македонија

  • Робертино Ацески – Претседател,
  • Ненад Николовски – Потпретседател,
  • Кирил Хаџи-Ефтимов – Генерален секретер и

од Управен одбор на ИПА Македонија – Регион Скопје

  • Владо Мирчевски, Претседател
  • Кирил Бошковски и
  • Игор Манојловски.

Нашата делегација оствари средба со УО на ИПА Германија и претставници на ИПА Регионите Келн и Дизелдорф. Исто така беше реализиран и прием од Директорот на полицијата во Келн.

Престојот беше организиран во Едукативниот центарот Замок Гимборн каде нашиот Управен одбор, на чело со Претседателот потпишаа договор за членство со Директорот на Центарот. Со овој договор е овозможено учество на наши членови во семинари и обуки кои се одржуваат во овој реномиран едукативен центар.

Посетата беше успешна а контактите и пријателството унапредени. Соработката со ИПА Германија продолжува и во наредниот период.

G32016

G42016

ИПА Македонија во Врање

Во периодот 26-28.08.2016 година на покана на регионалниот ИПА клуб Косовско поморавје на ИПА Србија а по повод годишните средби кои традиционално ги организираат, каде веќе традиционално сме присутни, ИПА Македонија пртставувана од Генералниот секретар на ИПА Македонија Г-дин Кирил Хаџи Ефтимов и претставници од ИПА Регион Скопје, Игор Манојлоски член на УО Регион Скопје и Сашо Димески.
На оваа традиционална прослава покрај ИПА Македонија беа и преставници на ИПА Романија од регионот Алба-Јулија и од Швајцарија, Србија и други ИПА пријатели.
Во атмосфера на пријателство и дружење посетата беше остварена во Врање, каде беа разменети пригодни подароци.

SM12016

Мото Клуб ИПА Македонија на меѓународна мотоциклистичка средба во Словенија

Во периодот од 15 до 19 Јуни 2016 Мото клубот ИПА Македонија, претставуван од Дамјан Галевски, Љупчо Стојкоски и Васко Пачемски, учествуваше на меѓународна мотоциклистичка средба во Љубљана, Словенија.
На оваа средба присуствуваа и претсавници на ИПА Мото секциите на Словенија, Србија и Босна и Херцеговина. Bo рамки на средбата од страна на колегите од ИПА Словенија беше претставен дел од структурата на словенската полиција и остварена е посета на Владата на Р. Словенија и неколку полициски станици во Словенија.

SM32016 SM42016 SM52016 SM62016

3BiH

ИПА Македонија на Генерално Собрание на ИПА Босна и Херцеговина

Делегација на ИПА Македонија присуствуваше на годишно собрание на ИПА Босна и Херцеговина кое се одржа на 28.05.2016 година во Требиње. Делегацијата ја сочинуваа Љупчо Ристовски и Ѓорѓе Цениќ.

На овој настан, покрај нашата делегација, присуствуваа и делегации од ИПА секциите на Србија, Црна Гора, Хрватска, Словенија и Бугарија.

Во рамките на овој настан е остварена посета на Заедничкиот Центар за полициска соработка на Босна и Херцеговина, Србија и Црна Гора а потоа и обиколка на градот Требиње и околината.

Во вечерните часови, домаќините приредија свечена вечера со забавна содржина, пријатна атмосфера и дружење на сите учесници на овој настан.

2BiH

1BiH

4BiH2016

IPAzaednickas

Генерално собрание на ИПА Македонија

На 15.04.2016 година, претседателот Робертино Ацески свика и се одржа редовното Генерално собрание на ИПА Македонија.IPAgen1s

На собранието учествуваа управниот одбор, делегатите и претседателите на регионите. Усвоен беше следниот дневен ред:

  1. Извештај за 2015 година,
  2. План за 2016 година,
  3. Излагање и усвојување на годишниот финансиски извештај за 2015 година
  4. Разно.

IPAgen2sИзбрани се два нови члена на управниот одбор на ИПА Македонија, и тоа:

  • Мр. Ненад Николовски за потпретседател  и
  • Љупчо Ристовски за претставник за медиуми и информатичка поддршка.

За претседател на комисијата за спорт е избран Горан Бојчевски.

Во наредниот период ќе се формира работна група за дооформување и комплетирање на сите национални комисии.

По повод 5 години од постоењето на ИПА Македонија и заслугите за афирмација на домашно и меѓународно ниво, како и за особениот придонес во основањето и организацијата, свечено во пригодна церемонија а согласно со одлуката на генералното собрание од 2015 година беа доделени плакети за:

  • Почесен претседател на Мр. Љубчо Андоновски и
  • Почесни членови на Мр. Митко Чавков и Мр. Горанче Савовски

IPAplaketis

CG12016

ИПА Македонија на Собрание на ИПА Црна Гора

Делегација на ИПА Македонија, на 22.04.2016 година, присуствуваше на второто редовно собрание на ИПА Црна Гора. Делегацијата ја сочинија Ненад Николовски, Кирил Хаџи-Ефтимов и Владо Мирчевски.

На овој настан, покрај нашата делегација, присуствуваа и делегации од ИПА секциите на Србија, Босна и Херцеговина, Хрватска и Словенија, како и претставник од Полициски синдикат на Косово.

По завршување на собранието остварени се посети на повеќе природни и културно историски знаменитости, дополнети со дружење и забава.

CG32016

CG62016 CG52016 CG42016